Særinces Gid anglo-saxon Lines divide: stanza 1 MV = lines 1-6a AS; 2 = 6b-8a; 3 = 8b-12a; 4 = 12b-16; 5 = 17; 6 = 18-25a; 7 = 25b-26; 8 = 27-30; 9 = 31-33a; 10/11 = 33b-38; 12 = 39-43; 13 = 44-47; 14 = 48-52; 15 = 53-55a; 16 = 55b-57; 17 = 58-62a; 18 = 62b-64a; 19 = 64b-67; 20 = 68-71; 21 = 72-80a; 22 = 80b-85; 23 = 86-93; 24 = 94-99; 25 = 100-105; 26 = 106-107; 27 = 108; 28 = 109-116; 29 = 117-122a; 30 = 122b-124/5; and index. Click on numbers for teleportation.   1: 1-6a MÆG ic be me sylfum soðgied wrecan siþas secgan hu ic geswincdagum earfoðhwile oft þrowade bitre breostceare gebidan hæbbe gecunnad in ceole cearselda fela atol yþa gewealc 2: 6b-8a þær mec oft bigeat nearo nihtwaco æt nacan stefnan þonne he be clifan cnossað 3: 8b-12a calde geþrungen wæron fet mine forste gebunden caldum clommum þær þa ceare seofedun hate ymb heortan hungor innan slat merewerges mod back 4: 12b-16 þæt se mon ne wat þe him on foldan fægrost limpeð hu ic earmcearig iscealdne sæ winter wunade wræccan lastum winemægum bidroren 5: 17 bihongen hrimgicelum hægl scurum fleag 6: 18-25a þær ic ne gehyrde butan hlimman sæ iscaldne wæg hwilum ylfete song dyde ic me to gomene ganetes hleoþor ond huilpan sweg fore hleahtor wera mæw singende fore medodrince stormas þær stanclifu beotan þær him stearn oncwæð isigfeþera ful oft þæt earn bigeal urigfeþra back 7: 25b-26 nænig hleomæga feasceaftig ferð frefran meahte 8: 27-30 forþon him gelyfeð lyt se þe ah lifes wyn gebiden in burgum bealosiþa hwon wlonc ond wingal hu ic werig oft in brimlade bidan sceolde 9: 31-33a nap nihtscua norþan sniwde hrim hrusan bond hægl feol on eorþan corna caldast 10/11: 33b-38 forþon cnyssað nu heortan geþohtas þæt ic hean streamas sealtyþa gelac sylf cunnige monað modes lust mæla gehwylce ferð to feran þæt ic feor heonan elþeodigra eard gesece 12: 39-43 forþon nis þæs modwlonc mon over eorþan ne his gifena þæs god ne in geoguþe to þæs hwæt ne in his dædum to þæs deor ne him his dryhten to þæs hold þæt he a his sæfore sorge næbbe to hwon hine dryhten gedon wille back 13: 44-47 ne biþ him to hearpan hyge ne to hringþege ne to wife wyn ne to worulde hyht ne ymbe owiht elles nefne ymb yða gewealc ac a hafað longunge se þe on lagu fundað 14: 48-52 bearwas blostmum nimað byrig fægriað wongas wlitigað woruld onetteð ealle þa gemoniað modes fusne sefan to siþe þam þe swa þenceð on flodwegas feor gewitan 15: 53-55a swylce geac monað geomran reorde singeð sumeres weard sorge beodeð bitter in breosthord back 16: 55b-57 þæt se beorn ne wat sefteadig secg hwaet þa sume dreogað þe þa wræclastas widost lecgað 17: 58-62a forþon nu min hyge hweorfeð ofer hreþerlocan min modsefa mid mereflode ofer hwæles eþel hweorfeð wide eorþan sceatas cymeð eft to me gifre ond grædig 18: 62b-64a Gielleð anfloga hweteð on wæl weg hreþer unwearnum ofer holma gelagu back 19: 64b-67 forþon me hatran sind dryhtnes dreamas þonne þis deade lif læne on londe ic gelyfe no þæt him eorðwelan ece stondað 20: 68-71 simle þreora sum þinga gehwylce ær his tiddæge to tweon weorþeð adl oþþe yldo oþþe ecghete fægum fromweardum feorh oðþringeð 21: 72-80a forþon þæt is eorla gewham æftercweþendra lof lifgendra lastworda betst þæt he gewyrce ær he on weg scyle fremum on foldan wið feonda niþ deorum dædum deofle togeanes þæt hine ælda bearn æfter hergen ond his lof siþþan lifge mid englum awa to ealdre ecan lifes blæd dream mid dugeþum 22: 80b-85 dagas sind gewitene ealle onmedlan eorþan rices nearon nu cyningas ne caseras ne goldgiefan swylce iu wæron þonne hi mæst mid him mærþa gefremedon ond on dryhlicestum dome lifdon back 23: 86-93 gedroren is þeos duguð eal dreamas sind gewitene wuniað þa wacran ond þas woruld healdaþ brucað þurh bisgo blæd is gehnæged eorþan indryhto ealdað and searað swa nu monna gehwylc geond middangeard yldo him on fareð onsyn blacað gomelfeax gnornað wat his iuwine æþelinga bearn eorþan forgiefene 24: 94-99 ne mæg him þonne se flæschoma þonne him þæt feorg losað ne swete forswelgan ne sar gefelan ne hond onhreran ne mid hyge þencan þeah þe græf wille golde stregan broþor his geborenum byrgan be deadum maþmum mislicum þæt hine mid nille back 25: 100-105 ne mæg þære sawle þe biþ synna ful gold to geoce for godes egsan þonne he hit ær hydeð þenden he her leofað micel biþ se meotudes egsa forþon hi seo molde oncyrreð se gestaþelade stiþe grundas eorþan sceatas ond uprodor 26: 106-107 dol biþ se þe him his dryhten ne ondrædeþ cymeð him se deað unþinged eadig bið se þe eaþmod leofaþ cymeð him seo ar of heofonum 27: 108 meotod him þæt mod gestaþelað forþon he in his meahte gelyfeð back 28: 109-116 stieran mon sceal strongum mode ond þæt on staþelum healdan ond gewis werum wisum clæne scyle monna gehwylc mid gemete healdan wiþ leofne ond wið laþne bealo þeah þe he hine wille fyres fulne oþþe on bæle forbærnedne his geworhtne wine wyrd biþ swiþre meotud meahtigra þonne ænges monnes gehygd 29: 117-122a uton we hycgan hwær we ham agen ond þonne geþencan hu we þider cumen ond we þonne eac tilien þæt we to moten in þa ecan eadignesse þær is lif gelong in lufan dryhtnes hyht in heofonum 30: 122b-124/5 þæs sy þam halgan þonc þæt he usic geweorþade wuldres ealdor ece dryhten in ealle tid Amen back     modern version: main index commentary frames